E rima ngā ngohe o tēnei kōwae ako hei whakapakari i te mātauranga tau o te ākonga.
Anga tekau
|
tens frame
|
Paparau
|
hundreds board
|
Paparau hurahura
|
hundreds flip board
|
Tāpirihia tētahi tau māmā, ka paremata ai
|
add a tidy number and compensate
|
Whare Uara Tū
|
Place Value House
|
Kia mārama ki te rahi me te hanga o ngā tau 0 ki te 100.
Rauemi: he rauemi uara tū, (pērā i ngā pīni Aotearoa), he Whare Uara Tū,
He Mahi Mā te Pouako | He Tauira Kōrero Mā Te Pouako |
Tonoa ngā ākonga ki te whakaatu i tētahi tau ngahuru ki ngā rauemi uara tū (pērā i ngā ‘Pīni Aoteroa’ (beaNZ). Me āta hono te ingoa o te tau, te tohutau me ngā rauemi. |
Whakaaturia mai te 30 ki ngā pīni. E hia ngā rōpū o te tekau? E 3. Me pēhea te tuhi i te 30? He aha te tikanga o te mati ‘3’? E mea ana kia toru ngā tekau. He aha te tikanga o te mati ‘0’? Kāore he pīni takitahi i te taha o ngā tekau e toru. |
Whakaaturia te tau ki tētahi Whare Uara Tū. |
Anei te Whare Uara Tū e whakaatu ana i ngā tahi, ngā tekau me ngā rau Me pēhea te whakaatu i te toru tekau ki te Whare Uara Tū? |
Whakaaturia tētahi tau ki ngā rauemi uara tū. Tonoa ngā ākonga ki te whakaingoa i taua tau, ki te whakaatu hoki ki te Whare Uara Tū |
He aha te tau e whakaaturia ana ki ngā rauemi pīni nei? He aha koe i mōhio ai e 63 katoa ngā pīni? Tatauria ngā ipu o te 10. E 6 ngā rōpū o te tekau, e toru ngā pīni takitahi. Me tuhi ki te Whare Uara Tū |
Whakamahia ngā rauemi uara tū ki te whakaatu i te tāpiritanga me te tangohanga o te tekau ki tētahi tau. Tuhia ngā tangohanga hei whārite. |
Anei ngā pīni e whakaatu ana i te 63. He aha tō mahi hei whakaatu i te 53? Tangohia tētahi o ngā rōpū o te tekau. Me pēhea te tuhi hei whārite? 63 – 10 = 53 |
Tonoa ngā ākonga ki te kōrero i te tau tekau te rahinga ake te itinga iho rānei. |
Kōrero mai te tau tekau te rahinga ake i te 56. Ko te 66. Kōrero mai te tau tekau te itinga ake i te 18. Ko te 8. |
Kia mōhio ki ngā āhuatanga o ngā tau mai i te 0 ki te 100.
Rauemi: he paparau hurahura
He Mahi Mā te Pouako |
He Tauira Kōrero Mā Te Pouako |
Tuhia tētahi tau (i waenganui i te 0 me te 100) ki tētahi kāri. Uhia te kāri kia kore ai e kitea e ngā ākonga. Tonoa ngā ākonga ki te tuku pātai mai ki a koe, hei whiriwhiri mā rātou i te tau i tuhia e koe. Ko tā ngā ākonga he whakakore atu i ngā tau i te paparau i runga i te āhua o ngā whakautu. Hei tauira, ka whakakorea atu ngā taukehe katoa mēnā ka ae atu koe ki te pātai ‘he taurua te tau?’ |
Kua tuhia he tau ki tēnei kāri. Kei waenganui i te 0 me te 100. Me tuku pātai mai koutou hei whiriwhiri i tēnei tau. Ko tāku he whakautu i te ‘ae’ i te ‘kao’ rānei. He tauira pātai: |
Kia oti te whiriwhiri i te tau, ka tonoa ngā ākonga ki te tuhi i ētahi rerenga kōrero e toru hei whakamārama i te tau. |
Ka tika, ko te 65 te tau i tuhia ki te kāri. Tēnā tuhia kia toru ngā kōrero mō tēnei tau. He tauira kōrero: |
Kia mōhio ki te raupapa o ngā tau mai i te 0 ki te 100.
Rauemi: he aho, he mātiti, he kāri tau (mai i te 0 ki te 100)
He Mahi Mā te Pouako | He Tauira Kōrero Mā Te Pouako |
Whakairia te aho, ka whakairi anō ai i ētahi kāri tau ki ngā pito. Hoatu he kāri tau ki tētahi ākonga, ka tono ai ki te whakairi i te kāri ki te wāhi e tika ana. Whakawhitiwhiti kōrero mō te wāhi e tika ana. |
Kua whakairia he rārangi tau. Ko te ‘1’ ki te tīmatanga, ko te 60 ki te pito whakamutunga. E Ani, anei te 58. Ki tōu whakaaro, ki hea te wāhi e tika ana hei whakairi i te 58? He paku te iti iho te 58 i te 60, nō reira e tika ana kia pātata atu ki te 60. Ki hea te wāhi tika mō te 28? He paku te iti iho i te 30, te haurua o te 60. Nō reira ki te taha mau? o te wāhi e hāngai ana ki te haurua o te 60. Ki hea te wāhi e tika ana mō te 15? Ko te 30 te haurua, ko te 15 te haurua o te 30. |
Kia pērā anō te mahi mō ētahi atu rārangi tau pēnei i ēnei: |
Kia mōhio ki te rautaki tāpirihia he tau māmā, ka paremata ai hei whakaoti tāpiritanga.
he rauata (OHP), he poro uara tū
He Mahi Mā te Pouako | He Tauira Kōrero Mā Te Pouako |
Whakaaturia ngā poro uara tū ki te rauata hei tohu i tētahi tau (pērā i te 56). Uhia ētahi o ngā poro, kia kore ai e kitea e ngā ākonga. Tonoa ngā ākonga ki te whiriwhiri i te maha o ngā poro e uhia ana. |
E whakaaturia ana ētahi poro ki te rauata. Ko te 56 te tau e tohua ana ki ngā poro katoa, engari kei te uhia ētahi o ngā poro. E hia e uhia ana? E rua ngā tekau e kitea mai ana, nō reira e toru ngā tekau e uhia ana (nā te mea e 5 katoa ngā tekau). E rua ngā tahi e kitea mai ana, nō reira e whā ngā tahi e uhia ana (kia eke ki te 6 te katoa o ngā tahi). E 34 te katoa e uhia ana. |
Tonoa ngā ākonga ki te āta whakaaro i te whārite e hāngai ana. |
He aha te whārite e hāngai ana ki tā koutou mahi? Tāpirihia te aha ki te 22 kia eke ki te 56? |
Whakaaturia te whārite ki tētahi rārangi tau. |
Anei te mahi e whakaaturia ana ki te rārangi tau: |
Kia mārama ki te hanga o ngā tau mai i te 10 ki te 20 (ngā tauhono me te 10), ā, tae atu ki te 50.
he anga tekau
He Mahi Mā te Pouako | He Tauira Kōrero Mā Te Pouako |
Whakaaturia ētahi tau ki te anga tekau, ka tono ai i ngā ākonga ki te kōrero i te tau e whakaaturia ana. |
E hia katoa ngā ira o tēnei anga tekau? Tekau. He aha koe i mōhio ai? E 5 ngā ira ki ia taha. Kāore he take o te tatau i ngā ira katoa. E hia katoa ngā ira ināianei? Tekau mā tahi. I tatauria e koe ngā ira katoa? Kāore. Tekau me te tahi ka tekau mā tahi. He aha te whārite e hāngai ana? 10 + 1 = 11 |
Kia pērā anō ngā mahi mō ngā tau katoa mai i te 10 ki te 20. Kātahi ko ētahi atu tau tae atu ki te 50. |
Printed from https://meaningfulmaths.nt.edu.au/mmws/nz/resource/kia-u-te-matauranga-tau at 8:04pm on the 26th February 2024