Ko te wehewehe me te whakarōpū taonga te kaupapa o tēnei kōwae ako. Ka whai wāhi atu hoki ko te tuhi me te whakamāori kauwhata whakaahua
he mōheni
he pepa nunui
he kutikuti
he hū!
he kāpia
he penehinu, pene rākau
āwhata | scale |
hoahoa | diagram |
kauwhata whakaahua | picture graph |
tūhuratanga tauanga | statistical investigation |
tūtohi | table of data, chart |
whakarōpū | group, classify |
Ngā mahi a te pouako | He tauira kōrero mā te pouako | ||||||||||||||
Pānui ngātahi i tētahi, i ētahi pukapuka e pā ana ki ngā momo hū: Nō Wai Enei Hū? Ngā Kete Kōrero, Kha Nōku Enei Hū? Kia Ata Mai, Kki Mō Wai Enei Hū? Ngā Kete Kōrero, Khi |
He aha te tino kaupapa o te pukapuka nei? Pēhea koe i mohio ai? He aha ngā momo hū e kitea mai ana? Mō wai aua momo hū? |
||||||||||||||
Hanga hoahoa hei rautaki whakaputa whakaaro. Mā ngā tamariki e kimi, e tapahi ngā pikitia o ngā momo hū rerekē mai i ngā mōheni. Ka whakapiria ngā pikitia ki ngā pepa nui, kia rerekē te kaupapa o ngā hū o ia pepa nui, kia hāngai tonu ki te āhua, me ngā mahi o ngā momo hū rerekē (hei tauira: hū hākinakina, pūtu, hū raumati, hū kanikani). Hei whakatauira: |
Whakaarohia ngā rōpū, ka hoatu ai i ngā whakaahua, ngā pikitia ki ngā rōpū e tika ana. He aha koe i whakatakoto ai i taua pikitia ki konā? Kua kite tātou, he rerekē ngā āhua me ngā tikanga o tēnā rōpū hū o tēnā rōpū. He aha he ingoa mō ngā rōpū hū? |
||||||||||||||
Ka haere ngā tamariki ki te tiki i ō rātou ake hū. Ka whakatākoto ki runga i ngā pepa nunui. Ka tuhi ā-nama hoki, e hia nga hū kei ia pepa. Hei whakatauira: Ka tuhi ngātahi i tētahi tūtohi tatau. Hei whakatauira:
|
Ki te whakarōpūngia ngā hū o te akomanga, he aha ngā momo rōpū? Whakarōpūngia ngā hū. He aha te take i whakatākoto ai koe i ō hū ki kōnā? E hia ngā hū (omaoma)? Tatauria ngā hū o ia rōpū. Tokohia i mau mai i ngā hū (raumati) i tēnei rangi? |
Ngā mahi a te pouako. | He tauira kōrero mā te pouako. | ||||||||||||||
Ka hanga ngātahi te pouako me ngā tamariki i tētahi kauwhata whakaahua. Me ōrite te rahi o ngā pikitia. Hei whakatauira: Kauwhata Whakaahua: Ngā Momo Hū O Akomanga 1
Ka tuhia e te pouako ngā kōrero o ngā tamariki. Ka tuhi ingoa hoki mō te kauwhata whakaahua. |
Titiro ki ngā rōpū hū. Tokohia i mau i ngā hū (hiripā)? He aha ētahi atu kōrero e pā ana ki te kauwhata whakaahua nei? He aha ētahi atu kōrero kei te puta mai i tēnei kauwhata whakaahua? He aha te tino kaupapa o te kauwhata whakaahua nei? Ka tuhi au i te kaupapa hei ingoa mō te kauwhata. |
Ngā mahi a te pouako. | Ngā tauira kōrero mā te pouako. |
Hangaia he kauwhata whakaahua hiato, ka whakawhitiwhiti kōrero ai mō ngā āhuatanga e whakaaturia ana. Ka whakamahi tonu i ngā raraunga o te tūhuratanga hū kua oti kē te kohi mai. Hei whakatauira: Ka pānui i te kauwhata whakaahua hou, me te kauwhata whakaahua tuatahi. Ka whakawhitiwhiti kōrero e pā ana ki ngā āhuatanga e ōrite ana, e rerekē ana o ngā mea e rua. He mahi whakawhānui:
|
He aha te rerekētanga o ngā hū i mauria mai e ngā tama, ki ngā hū o ngā kōtiro? Tokohia ngā tama i mau i ngā hū (raumati)? Tokohia ngā kotiro i mau i ngā (kopa) ? Ko wai te rōpū e kaha ana ki te mau i ngā hū (omaoma)? Ko ngā tama, ko ngā kōtiro rānei? Pēhea koe i mōhio ai? He aha ētahi atu kōrero e pā ana ki te kauwhata whakaahua nei? He aha te kaupapa matua o tēnei kauwhata whakaahua? He aha ngā rerekētanga o tēnei kauwhata whakaahua ki tērā atu? Nā reira, me rerekē te ingoa o tēnei kauwhata whakaahua? He aha koe i whakaaro pēnā ai? |
He mahi ā te pouako. | He tauira kōrero mā te pouako. |
Ka hanga, ka titiro rānei ki tētahi kauwhata whakaahua, engari he rerekē te rahi o ngā pikitia. Ka titiro hoki ki te āhua o ngā kauwhata whakaahua kua hangaia kētia. Hei whakatauira: |
Titiro mai ki tēnei kauwhata whakaahua. He aha ētahi kōrero e hāngai ana ki tēnei kauwhata whakaahua? He aha ngā rerekētanga o tēnei ki ērā atu o ngā kauwhata? He aha te rerekētanga o ngā pikitia? Ki tō whakaaro, he pai mehemea he rerekē te rahi o ngā pikitia? He aha koe i whakaaro pēnā ai? Pēhea ōu whakaaro? He kōrero anō? Ki te titiro tātou ki ngā kauwhata katoa, he aha ngā āhuatanga e ōrite ana? (ingoa, pikitia, ngā huinga raraunga.) Ki te hanga anō tātou i tētahi kauwhata whakaahua, me pēhea te rahi o ngā pikitia, ngā whakaahua rānei? |
Printed from https://meaningfulmaths.nt.edu.au/mmws/nz/resource/oku-hu-e-hikoi-ana at 10:01pm on the 26th February 2024